معروف کہانی کار اور طنز و مزاح نگار انور مقصود کی پوتی کا نکاح ہوگیا، اور اس خوشی کے لمحات کی تصویر سوشل میڈیا پر دل موہ لینے والی بن گئی ہے۔
انور مقصود کے صاحبزادے بلال مقصود نے انسٹاگرام پر بچوں اور والد کے ہمراہ ایک خوبصورت تصویر شیئر کی، جس کے کیپشن میں انہوں نے لکھا:
"ہمارے بچے اور ان کے دادا ہماری بیٹی کے نکاح کے موقع پر موجود ہیں۔"
تصویر میں بلال مقصود، ان کے والد اور گلوکار کے دونوں بیٹے ایک ہی طرح کے لباس میں نظر آ رہے ہیں، جس میں پورا خاندان انتہائی دلکش اور خوشنما لگ رہا ہے۔
سوشل میڈیا صارفین نے تصویر کو بہت سراہا اور بلال مقصود کی بیٹی کے لیے نیک تمناؤں اور دعاؤں کا سلسلہ جاری ہے۔